MOL100 - emnerapport 2005 vår
Faglærers vurdering av gjennomføring
Praktisk gjennomføring
MOL100 vart undervist for første gong våren 2005. Emnet erstattar, saman med MOL200, det tidlegare innføringsemnet MOL101. MOL100 er obligatorisk for bachelorprogrammet i biologi, medan studentar på bachelorprogrammet i molekylærbiologi no har tek både MOL100 og MOL200 i staden for MOL101. MOL100 og MOL200 overlappar begge 5 sp med det gamle emnet MOL101.
Undervisinga i MOL100 våren 2005 vart gjeven i form av førelesingar og kollokvier. I tillegg hadde studentane obligatoriske innleveringar gjennom heile semesteret: 5 fleirvalsdeleksamenar, derav 4 karaktergjevande. Resultata frå deleksamenane utgjorde 25% av karaktergrunnlaget. Slutteksamen var og i form av fleirvaloppgåver, og utgjorde 75% av sluttkarakteren.
Strykprosent og frafall
Antal oppmelde studetar: 262. Antal møtt til eksamen: 241. Antal bestått: 238. Strykprosent 1%.
Karakterfordeling
A: 77 (32%), B: 83 (34%), C: 53 (22%), D: 15 (6%), E: 10 (4%). Analysar viser sterk korrelasjon mellom resultat på deleksamen og slutteksamen.
Studieinformasjon og dokumentasjon
Aktiv bruk av Mi side til meldingar, utlegging av filer og diskusjonsforum.
Deleksamenar blei gjort tilgjengeleg og levert elektronisk, gjennom eigne sider for MOL100. Samme system som tidlegare har vore nytta på MOL101 (sjå evaluering av MOL101 høsten 2004 for fleire detaljar om systemet som vart nytta. Sjå og rapporten: PEK 2004: Oppbygging og utprøving av nettbaserte metoder i undervisning og evaluering av molekylærbiologiske emner. Rapporten fåast frå MBI).
Tilgang til relevant litteratur
Tilfredsstillande. Det kom fram av studentevalueringa at nokre av studentane har nytta andre bøker i tillegg til læreboka.
Faglærers vurdering av rammevilkårene
Lokaler og undervisningsutstyr
Aud 1 på Realfagbygget vart nytta som undervisingsrom gjennom heile semesteret. Kollokviene vart haldne på grupperom på HIB og Realfagbygget. Fleire av desse romma var for små i forhold til gruppestorleiken, men dette fungerte oftast greit likevel sidan ikkje alle studentane møtte til kollokviene.
Andre forhold
Faglærers kommentar til student-evalueringen(e)
Metode - gjennomføring
Studentevalueringa var gjennomført på Studentportalen. Det vart lagt vekt på at studentane skulle få kommentere svara sine i størst muleg grad. 120 studentar svarte på evalueringa. Studentane var fordelt mellom fleire studieprogram, med hovudmengda av studentar på bachelorprogram i biologi (49) og molekylærbiologi (32). 9 studentar oppga at dei var på bachelorprogrammet i kjemi, medan 17 var årsstudentar. 13 kryssa av i kategorien "anna".
Oppsummering av innspill
Studentane si heilskaplege vurdering av emnet fordelte seg slik: 4 svært bra, 38 bra, 48 middels, 22 dårleg og 8 svært dårleg. 52 % av dei som svarte oppga av emnet ikkje svara til forventingane dei hadde på førehand.
Forkunnskap: 44 % av dei som svarte oppga at dei sakna forkunnskap, hovudsakleg kjemi.
Undervisingsformer: Førelesing: Svært nyttig 5,8%, Nyttig 17,5%, Middels 20,8%, Lite nyttig 30,8% og Unyttig 25%. Kollokvier: Svært nyttig 8,3%, Nyttig 21,7%, Middels 38,3%, Lite nyttig 12,5% og Unyttig 9,2%.
Vurderingsformer: Deleksamen: Studentane var generelt godt nøgde med det elektroniske systemet for levering av deleksamenane. Studentane ga uttrykk for at deleksamenane var vanskelege.
Ev. underveistiltak
Pga. ein del vanskar med det elektroniske systemet for utlevering og innleveringa av deleksamenar, fekk dei studentane som ønska det lov til å levere nye deleksamenar i fleire oppsamlingsheat gjennom semesteret.
Faglærers samlede vurdering,
inkl. forslag til forbedringstiltak
Fordi det oftast er i dette emnet studentane for første gong møter molekylærbiologien i sitt studieløp, ser instituttet på dette emnet som svært sentralt. Det kjem fram av evalueringane at studentane var middels nøgde med emnet, og tildels misnøgde med enkelte ting.
Fordi emnet ikkje berre er obligatorisk for bachelorprogrammet i molekylærbiologi, men og for biologane, er ein viktig del av utfordringa å forme emnet slik at det høver for begge desse gruppene som er i hovudvekt på emnet. Her meiner vi at MOL100 fungerer betre enn det tidlegare emnet MOL101.
Emnet var gjennomført for første gong etter omlegginga denne våren, og studentane har gjeve oss tydeleg tilbakemelding på at vi har eit stort forbetringspotensiale. Likevel meiner vi at emnet har fungert rimeleg godt som eit innføringsemne til molekylærbiologien, og at dei gode resultata til eksamen viser at opplegget med fleire obligatoriske deleksamenar har gjeve studentane gode arheidsvanar og god oversikt over pensum.
Til neste gong tek vi mål av oss til å unngå tekniske og administrative problem som har gjeve studentane mykje frustrasjon dette semesteret. Vi vonar og at nøye gjennomgang av kursopplegget og analysar av resultata, saman med tilbakemeldingane frå studentane, vil gjere oss i stand til å gjere emnet betre.